Re Eh Tn

Re'eh

ראה

Visible layers

Hebrew

נֹתֵן לָכֶם׃ לֹא תֹסִפוּ עַל־הַדָּבָר אֲשֶׁר אָנֹכִי מְצַוֶּה אֶתְכֶם וְלֹא תִגְרְעוּ מִמֶּנּוּ
לִשְׁמֹר אֶת־מִצְוֺת יְהוָה אֱלֹהֵיכֶם אֲשֶׁר אָנֹכִי מְצַוֶּה אֶתְכֶם׃ עֵינֵיכֶם הָרֹאֹת
אֵת אֲשֶׁר־עָשָׂה יְהוָה בְּבַעַל פְּעוֹר כִּי כָל־הָאִישׁ אֲשֶׁר הָלַךְ אַחֲרֵי בַעַל־
פְּעוֹר הִשְׁמִידוֹ יְהוָה אֱלֹהֶיךָ מִקִּרְבֶּךָ׃ וְאַתֶּם הַדְּבֵקִים בַּיהוָה אֱלֹהֵיכֶם חַיִּים
כֻּלְּכֶם הַיּוֹם׃ *רְאֵה ׀ לִמַּדְתִּי אֶתְכֶם חֻקִּים וּמִשְׁפָּטִים כַּאֲשֶׁר צִוַּנִי יְהוָה
אֱלֹהָי לַעֲשׂוֹת כֵּן בְּקֶרֶב הָאָרֶץ אֲשֶׁר אַתֶּם בָּאִים שָׁמָּה לְרִשְׁתָּהּ׃ וּשְׁמַרְתֶּם
וַעֲשִׂיתֶם כִּי הִוא חָכְמַתְכֶם וּבִינַתְכֶם לְעֵינֵי הָעַמִּים אֲשֶׁר יִשְׁמְעוּן אֵת כָּל־
הַחֻקִּים הָאֵלֶּה וְאָמְרוּ רַק עַם־חָכָם וְנָבוֹן הַגּוֹי הַגָּדוֹל הַזֶּה׃ כִּי מִי־גוֹי גָּדוֹל
אֲשֶׁר־לוֹ אֱלֹהִים קְרֹבִים אֵלָיו כַּיהוָה אֱלֹהֵינוּ בְּכָל־קָרְאֵנוּ אֵלָיו׃ וּמִי גּוֹי גָּדוֹל
אֲשֶׁר־לוֹ חֻקִּים וּמִשְׁפָּטִים צַדִּיקִם כְּכֹל הַתּוֹרָה הַזֹּאת אֲשֶׁר אָנֹכִי נֹתֵן לִפְנֵיכֶם
הַיּוֹם׃

Sephardi

notein lachem: lo tosifu al-hadavar asher anochi metzaveh etchem velo tigre'u mimenu
lishmor et-mitzvot Adonai Eloheichem asher anochi metzaveh et'chem: eineichem haro'ot
eit asher-asah Adonai beva'al pe'or ki chol-ha'ish asher halach acharei va'al-
pe'or hishmido Adonai Elohecha mikirbecha: ve'atem hadvekim baAdonai Eloheichem chayim
kul'chem hayom: re'eh limadti et'chem chukim umishpatim ka'asher tzivani Adonai
Elohai la'asot kein bekerev ha'aretz asher atem ba'im shamah lerishtah: ushemartem
va'asitem ki hi chochmat'chem uvinat'chem le'einei ha'amim asher yishme'un eit kol-
hachukim ha'eleh ve'amru rak am-chacham venavon hagoy hagadol hazeh: ki mi-goy gadol
asher-lo elohim kerovim elav kaAdonai Eloheinu bechol-kor'einu elav: umi goy gadol
asher-lo chukim umishpatim tzadikim kechol hatorah hazot asher anochi notein lifneichem
hayom:

עקב

EKEV

Deut. 7

Hebrew

וְהָיָה ׀ עֵקֶב תִּשְׁמְעוּן אֵת הַמִּשְׁפָּטִים הָאֵלֶּה וּשְׁמַרְתֶּם וַעֲשִׂיתֶם אֹתָם וְשָׁמַר
יְהוָה אֱלֹהֶיךָ לְךָ אֶת־הַבְּרִית וְאֶת־הַחֶסֶד אֲשֶׁר נִשְׁבַּע לַאֲבֹתֶיךָ׃ וַאֲהֵבְךָ
וּבֵרַכְךָ וְהִרְבֶּךָ וּבֵרַךְ פְּרִי־בִטְנְךָ וּפְרִי־אַדְמָתֶךָ דְּגָנְךָ וְתִירֹשְׁךָ וְיִצְהָרֶךָ שְׁגַר־
אֲלָפֶיךָ וְעַשְׁתְּרֹת צֹאנֶךָ עַל הָאֲדָמָה אֲשֶׁר־נִשְׁבַּע לַאֲבֹתֶיךָ לָתֵת לָךְ׃ בָּרוּךְ
תִּהְיֶה מִכָּל־הָעַמִּים לֹא־יִהְיֶה בְךָ עָקָר וַעֲקָרָה וּבִבְהֶמְתֶּךָ׃ וְהֵסִיר יְהוָה
מִמְּךָ כָּל־חֹלִי וְכָל־מַדְוֵי מִצְרַיִם הָרָעִים אֲשֶׁר יָדַעְתָּ לֹא יְשִׂימָם בָּךְ וּנְתָנָם
בְּכָל־שֹׂנְאֶיךָ׃ וְאָכַלְתָּ אֶת־כָּל־הָעַמִּים אֲשֶׁר יְהוָה אֱלֹהֶיךָ נֹתֵן לָךְ לֹא־תָחֹס
עֵינְךָ עֲלֵיהֶם וְלֹא תַעֲבֹד אֶת־אֱלֹהֵיהֶם כִּי־מוֹקֵשׁ הוּא לָךְ׃ כִּי
תֹאמַר בִּלְבָבְךָ רַבִּים הַגּוֹיִם הָאֵלֶּה מִמֶּנִּי אֵיכָה אוּכַל לְהוֹרִישָׁם׃ לֹא תִירָא
מֵהֶם זָכֹר תִּזְכֹּר אֵת אֲשֶׁר־עָשָׂה יְהוָה אֱלֹהֶיךָ לְפַרְעֹה וּלְכָל־מִצְרָיִם׃ הַמַּסֹּת
הַגְּדֹלֹת אֲשֶׁר־רָאוּ עֵינֶיךָ וְהָאֹתֹת וְהַמֹּפְתִים וְהַיָּד הַחֲזָקָה וְהַזְּרֹעַ הַנְּטוּיָה
אֲשֶׁר הוֹצִאֲךָ יְהוָה אֱלֹהֶיךָ כֵּן־יַעֲשֶׂה יְהוָה אֱלֹהֶיךָ לְכָל־הָעַמִּים אֲשֶׁר־אַתָּה
יָרֵא מִפְּנֵיהֶם׃ וְגַם אֶת־הַצִּרְעָה יְשַׁלַּח יְהוָה אֱלֹהֶיךָ בָּם עַד־אֲבֹד הַנִּשְׁאָרִים
וְהַנִּסְתָּרִים מִפָּנֶיךָ׃ לֹא תַעֲרֹץ מִפְּנֵיהֶם כִּי־יְהוָה אֱלֹהֶיךָ בְּקִרְבֶּךָ אֵל גָּדוֹל
וְנוֹרָא׃ *וְנָשַׁל יְהוָה אֱלֹהֶיךָ אֶת־הַגּוֹיִם הָאֵל מִפָּנֶיךָ מְעַט מְעַט לֹא תוּכַל
כַּלֹּתָם מַהֵר פֶּן־תִּרְבֶּה עָלֶיךָ חַיַּת הַשָּׂדֶה׃ וּנְתָנָם יְהוָה אֱלֹהֶיךָ לְפָנֶיךָ וְהָמָם
מְהוּמָה גְדֹלָה עַד הִשָּׁמְדָם׃ וְנָתַן מַלְכֵיהֶם בְּיָדֶךָ וְהַאֲבַדְתָּ אֶת־שְׁמָם מִתַּחַת
הַשָּׁמָיִם לֹא־יִתְיַצֵּב אִישׁ בְּפָנֶיךָ עַד הִשְׁמִדְךָ אֹתָם׃ פְּסִילֵי אֱלֹהֵיהֶם תִּשְׂרְפוּן
בָּאֵשׁ לֹא־תַחְמֹד כֶּסֶף וְזָהָב עֲלֵיהֶם וְלָקַחְתָּ לָךְ פֶּן תִּוָּקֵשׁ בּוֹ כִּי תוֹעֲבַת
יְהוָה אֱלֹהֶיךָ הוּא׃ וְלֹא־תָבִיא תוֹעֵבָה אֶל־בֵּיתֶךָ וְהָיִיתָ חֵרֶם כָּמֹהוּ שַׁקֵּץ ׀
תְּשַׁקְּצֶנּוּ וְתַעֵב ׀ תְּתַעֲבֶנּוּ כִּי־חֵרֶם הוּא׃
כָּל־הַמִּצְוָה אֲשֶׁר אָנֹכִי מְצַוְּךָ הַיּוֹם תִּשְׁמְרוּן לַעֲשׂוֹת לְמַעַן תִּחְיוּן וּרְבִיתֶם
וּבָאתֶם וִירִשְׁתֶּם אֶת־הָאָרֶץ אֲשֶׁר־נִשְׁבַּע יְהוָה לַאֲבֹתֵיכֶם׃ וְזָכַרְתָּ אֶת־כָּל־
הַדֶּרֶךְ אֲשֶׁר הוֹלִיכְךָ יְהוָה אֱלֹהֶיךָ זֶה אַרְבָּעִים שָׁנָה בַּמִּדְבָּר לְמַעַן עַנֹּתְךָ
לְנַסֹּתְךָ לָדַעַת אֶת־אֲשֶׁר בִּלְבָבְךָ הֲתִשְׁמֹר מִצְוֺתָו אִם־לֹא׃ וַיְעַנְּךָ וַיַּרְעִבֶךָ
וַיַּאֲכִלְךָ אֶת־הַמָּן אֲשֶׁר לֹא־יָדַעְתָּ וְלֹא יָדְעוּן אֲבֹתֶיךָ לְמַעַן הוֹדִיעֲךָ כִּי
לֹא עַל־הַלֶּחֶם לְבַדּוֹ יִחְיֶה הָאָדָם כִּי עַל־כָּל־מוֹצָא פִי־יְהוָה יִחְיֶה הָאָדָם׃
*שִׂמְלָתְךָ לֹא בָלְתָה מֵעָלֶיךָ וְרַגְלְךָ לֹא בָצֵקָה זֶה אַרְבָּעִים שָׁנָה׃ וְיָדַעְתָּ עִם־
לְבָבֶךָ כִּי כַּאֲשֶׁר יְיַסֵּר אִישׁ אֶת־בְּנוֹ יְהוָה אֱלֹהֶיךָ מְיַסְּרֶךָּ׃ וְשָׁמַרְתָּ אֶת־מִצְוֺת
יְהוָה אֱלֹהֶיךָ לָלֶכֶת בִּדְרָכָיו וּלְיִרְאָה אֹתוֹ׃ כִּי יְהוָה אֱלֹהֶיךָ מְבִיאֲךָ אֶל־אֶרֶץ
טוֹבָה אֶרֶץ נַחֲלֵי מָיִם עֲיָנֹת וּתְהֹמֹת יֹצְאִים בַּבִּקְעָה וּבָהָר׃ אֶרֶץ חִטָּה
וּשְׂעֹרָה וְגֶפֶן וּתְאֵנָה וְרִמּוֹן אֶרֶץ־זֵית שֶׁמֶן וּדְבָשׁ׃ אֶרֶץ אֲשֶׁר לֹא בְמִסְכֵּנֻת
תֹּאכַל־בָּהּ לֶחֶם לֹא־תֶחְסַר כֹּל בָּהּ אֶרֶץ אֲשֶׁר אֲבָנֶיהָ בַרְזֶל וּמֵהֲרָרֶיהָ תַּחְצֹב
נְחֹשֶׁת׃ וְאָכַלְתָּ וְשָׂבָעְתָּ וּבֵרַכְתָּ אֶת־יְהוָה אֱלֹהֶיךָ עַל־הָאָרֶץ הַטֹּבָה אֲשֶׁר
נָתַן־לָךְ׃

Sephardi

vehayah ekev tishme'un et hamishpatim ha'eleh ushemartem va'asitem otam veshamar
Adonai Elohecha lecha et-habrit ve'et-hachesed asher nishba la'avotecha: va'ahevekha
uveirakhekha vehirbekha uveirakh peri-bitnekha uperi-admatekha deganekha vetiroshkha veyitzharekha shegar-
alafecha ve'ashterot tzonecha al ha'adamah asher-nishba la'avotecha latet lach: baruch
tihyeh mikol-ha'amim lo-yihyeh vecha akar va'akarah uvivehemtekha: vehesir Adonai
mimekha kol-choli vechol-madvei mitzrayim hara'im asher yadata lo yesimem bach unetanam
bechol-sone'echa: ve'achalta et-kol-ha'amim asher Adonai Elohecha notein lach lo-tachos
einekha aleihem velo ta'avod et-eloheihem ki-mokesh hu lach: ki
tomar bilvavekha rabim hagoyim ha'eleh mimeni eichah uchal lehorisham: lo tira
meihem zachor tizkor eit asher-asah Adonai Elohecha lefar'oh ulechol-mitzrayim: hamasot
hagedolot asher-ra'u einecha veha'otot vehamoftim vehayad hachazakah vehazero'a hanetuyah
asher hotzi'acha Adonai Elohecha ken-ya'aseh Adonai Elohecha lechol-ha'amim asher-atah
yarei mipeneihem: vegam et-hatzir'ah yeshalach Adonai Elohecha bam ad-avod hanish'arim
vehanistarim mipanecha: lo ta'arotz mipeneihem ki-Adonai Elohecha bekirbekha eil gadol
venora: venashal Adonai Elohecha et-hagoyim ha'el mipanecha me'at me'at lo tuchal
kalotam maher pen-tirbeh alecha chayat hasadeh: unetanam Adonai Elohecha lefanecha vehamam
mehumah gedolah ad hishamdam: venatan malcheihem beyadecha veha'avadeta et-shemam mitachat
hashamayim lo-yityatzev ish befanecha ad hishmidecha otam: pesilei eloheihem tisrefun
ba'esh lo-tachmod kesef vezahav aleihem velakachta lach pen tivakesh bo ki to'avat
Adonai Elohecha hu: velo-tavi to'evah el-beitekha vehayita cherem kamohu shaketz
teshaktzenu veta'ev teta'avenu ki-cherem hu:
kol-hamitzvah asher anochi metzavecha hayom tishmerun la'asot lema'an tichyun urevitem
uvatem virishtem et-ha'aretz asher-nishba Adonai la'avoteichem: vezocharta et-kol-
haderech asher holichecha Adonai Elohecha zeh arba'im shanah bamidbar lema'an anotekha
lenasotekha lada'at et-asher bilvavekha hatishmor mitzvotav im-lo: vaye'anekha vayar'ivekha
vaya'achilekha et-haman asher lo-yadata velo yade'un avotecha lema'an hodi'acha ki
lo al-halechem levado yichyeh ha'adam ki al-kol-motza fi-Adonai yichyeh ha'adam:
simlatekha lo valetah mei'alecha veraglecha lo vatzeikah zeh arba'im shanah: veyadata im-
levavekha ki ka'asher yeyaser ish et-beno Adonai Elohecha meyaserka: veshamarta et-mitzvot
Adonai Elohecha lalechet bidrachav uleyir'ah oto: ki Adonai Elohecha mevi'acha el-eretz
tovah eretz nachalei mayim ayanot utehomot yotz'im babik'ah uvahar: eretz chitah
use'orah vegefen ute'enah verimon eretz-zeit shemen udevash: eretz asher lo bemiskenut
tochal-bah lechem lo-techsar kol bah eretz asher avanehah barzel umeihararehah tachtsov
nechoshet: ve'achalta vesavata uveirachta et-Adonai Elohecha al-ha'aretz hatovah asher
natan-lakh:

ראה

RE'EH

Deut. 11

Hebrew

רְאֵה אָנֹכִי נֹתֵן לִפְנֵיכֶם הַיּוֹם בְּרָכָה וּקְלָלָה׃ אֶת־הַבְּרָכָה אֲשֶׁר תִּשְׁמְעוּ אֶל־
מִצְוֺת יְהוָה אֱלֹהֵיכֶם אֲשֶׁר אָנֹכִי מְצַוֶּה אֶתְכֶם הַיּוֹם׃ וְהַקְּלָלָה אִם־לֹא תִשְׁמְעוּ
אֶל־מִצְוֺת יְהוָה אֱלֹהֵיכֶם וְסַרְתֶּם מִן־הַדֶּרֶךְ אֲשֶׁר אָנֹכִי מְצַוֶּה אֶתְכֶם הַיּוֹם
לָלֶכֶת אַחֲרֵי אֱלֹהִים אֲחֵרִים אֲשֶׁר לֹא־יְדַעְתֶּם׃ וְהָיָה כִּי יְבִיאֲךָ
יְהוָה אֱלֹהֶיךָ אֶל־הָאָרֶץ אֲשֶׁר־אַתָּה בָא־שָׁמָּה לְרִשְׁתָּהּ וְנָתַתָּה אֶת־הַבְּרָכָה
עַל־הַר גְּרִזִים וְאֶת־הַקְּלָלָה עַל־הַר עֵיבָל׃ הֲלֹא־הֵמָּה בְּעֵבֶר הַיַּרְדֵּן אַחֲרֵי
דֶּרֶךְ מְבוֹא הַשֶּׁמֶשׁ בְּאֶרֶץ הַכְּנַעֲנִי הַיֹּשֵׁב בָּעֲרָבָה מוּל הַגִּלְגָּל אֵצֶל אֵלוֹנֵי מֹרֶה׃
כִּי אַתֶּם עֹבְרִים אֶת־הַיַּרְדֵּן לָבֹא לָרֶשֶׁת אֶת־הָאָרֶץ אֲשֶׁר־יְהוָה אֱלֹהֵיכֶם

Sephardi

re'eh anochi notein lifneichem hayom berachah ukelalah: et-haberakhah asher tishme'u el-
mitzvot Adonai Eloheichem asher anochi metzaveh etchem hayom: vehakelalah im-lo tishme'u
el-mitzvot Adonai Eloheichem vesartem min-haderech asher anochi metzaveh etchem hayom
lalechet acharei elohim acherim asher lo-yeda'tem: vehayah ki yevi'acha
Adonai Elohecha el-ha'aretz asher-atah ba-shamah lerishtah venatatah et-haberakhah
al-har gerizim ve'et-hakelalah al-har eival: halo-heimah be'ever hayarden acharei
derech mevo hashemesh be'eretz hakena'ani hayoshev ba'aravah mul hagilgal etzel elonei moreh:
ki atem overim et-hayarden lavo lareshet et-ha'aretz asher-Adonai Eloheichem